كلّ سنة وأنت سالمة ياحبيبتي..أصالة تعايد والدتها بهذه الكلمات

وجّهت الفنانة أصالة رسالة لوالدتها بمناسبة عيد الأم ونشرت صورة تجمعهما سويا على صفحتها الشخصية بموقع التواصل الإجتماعي إنستجرام وعلقت عليها: "مشوار مشيناه أمّي وأنا شو كان مشوار صعب عانتني عليه 

..بصبرها بطيبها بعطاءها بخوفها عليي اللي ولايوم قلّ واليوم عيد ميلادها وعيدها وبدي عايدها مرتين وألفين وقلها مليونين كلمة إمتنان وشكر ومحبه كلّ سنه وأنتي سالمه ياحبيبتي وبدي غني لك الموال اللي كان أبي يغني لك ياه وقوله عنه ( عزيزه وبالقلب فايق ربيعا

وبمال الأرض عمري ماببيعا)

ولأنك غرّقتيني محبه ودلع وإهتمام حبيت كلمة أم وشعور الأمّ وصار الغالبه الكريمه اللي علمتني وكثير مشاعر حلوة زرعت في ومعلق قلبي

فيها ..الصبر باعلى درجاته والإيمان باعمق صفاته نبيلة عظيمه قدوه بدي قاشو بحبها وعايدها ..وبدّي عايد كلّ صديقه بحياتي قدّ ماكان عمرها صغيره كانت أو كبيره حنت علي متل أم لبست منها فستان تشاركنا بقلم حمره أكلت من إيدا لقمه طيبه غفيت على الكنبه ببيتها متطمنه متل طفله كلهم كانوا بالنسبه إلي أمّ كلّ سنه وكلكم سالمين مرتاحين الصحه وراحة البال نسكن صدوركم اللي وسعت محبه وإهتمام وعطاء بيقدّي الدّني كلها ..عيد الأم هوه عيد للحب المطلق اللي مو بالضروره تكون الستِّ أمّ وعندا ولاد المهم إنها قدرت تتمتّع بأجمل صفات الأنوثه وهيي الأمومه وحنّت واهتمت وقدرت بدل عيله صغيره تعمل عيله أكبر وأغلى وحضنت من ولاد هالعالم اللي انحرموا الأم لأي سبب وما أكتر بهالزمن الأسباب لهالأمّ العظيمه كلّ الحب والإحترام..لكلّ ستّ طيبه مُحبّه صبوره كلّ سنه وأنتوا سالمين ياغاليين ياشركاء الحنان والطيب والأم

ان".