أنا مكملة من غير روح

تحدثت الفنانة هاجر الشرنوبي عن تفاصيل مؤلمة من حياتها الشخصية، وخاصة في فترة مرض والدها ومعاناته مع السرطان، مؤكدة أنه كان محاربًا شجاعًا، وأنها قضت بجانبه ثلاثة أشهر متواصلة قبل وفاته، في واحدة من أصعب محطات حياتها.

وقالت هاجر الشرنوبي خلال لقائها ببرنامج “ورقة بيضا” مع الإعلامية يمنى بدراوي: “إنها فقدت الأمان بعد رحيل والدها، لأنه كان سندها في الدنيا ورحيله جعلها تفقد جزء من روحها”، مضيفة “أنا مكملة من غير روح، أنا بنت أبويا، أنا جلست 3 شهور ماخرجتش من غرفته قبل وفاته، هو كان محارب قوي، لأنه أزال معدته لمدة 10 سنوات، فكان شخص كوميدي، وودو والجميع يحبه، وتوفي على إيدي وأنا حضناه”.

واستعادت الشرنوبي إحدى المواقف المؤثرة التي مرت بها خلال حياتها، معلقة: “كنت في عز الصيف وروحت للمدير أطلب منه ماء، لكنه رفض لأن المياه كانت غالية في المنطقة دي وقتها، وفي بنت جابتلي أشرب من معاها وصعبت عليا نفسي اوي، وعمري ما نسيت الموقف ده ولما بعدي على المكان بفتكره، ومرت الأيام واتفاجئت إن المدير ده بيكلمني يطلب شغل، لكن ماكانش في إيدي حاجة أقدمهاله”.

علاقة هاجر الشرنوبي ونجلها يوسف

وعن علاقتها بابنها الوحيد يوسف، قالت هاجر الشرنوبي: “بحب حضنه جدا، هو كل حاجة ليا في الدنيا، وبتمنى له الخير والنجاح، وعلاقته بزوجي أحمد الجابري قوية جدا، وبيتفقوا الاتنين عليا أحيانا”.