آيتن عامر تكشف تفاصيل عن حياتها الشخصية قبل طلاقها.. أنا تعرضت للخيانة

حلت الفنانة أيتن عامر ضيفةً على الإعلامية بسمة وهبة، في برنامجها العرافة، وتحدثت خلال الحلقة عن العديد من الموضوعات، بخصوص حياتها الشخصية، وخلافها مع طليقها محمد عز العرب.

وقالت أيتن عامر خلال حلقتها ببرنامج العرافة: أي اتنين بينفصلوا أكيد بيبقى فيه بينهم خلافات، بس مش كل حاجة بتبقى صح وفيه ناس بتفبرك عناوين عشان الريتش، وأنا من جانبي اتنازلت عن حقي، لأن أنا وأبو أولادي مش هنقف قدام بعض في المحاكم أبدا.   

أضافت أيتن عامر: ومفيش قضايا بيني وبين عز أبدا دلوقتي، ولكن لكل فعل رد فعل، ولما حد يرفع عليا قضية ما، طبيعي إني هرد، وأنا دايما في موضع دفاع، عمري ما كنت في موضع هجوم، ومعرفش عدد القضايا اللي هو رافعها عليا من كترهم، وبرغم إننا انفصلنا، بس هنفضل لآخر يوم في عمرنا ناقر ونقير. 

وقالت :" الست مش مسئولة عن خيانة الراجل وأنا «اتخانت قبل كدة» "

وأضافت أيتن عامر: وبرغم كدة لسة في مساحة احترام بينا لأننا موقفين المشكلة عند حد معين ومش بنكبر المواضيع، والناس انتقدتني لما قولت لـ ياسمين عبد العزيز الناس ملهاش علاقة انتو اتطلقتوا ليه، وتجربة الطلاق دي من أبشع التجارب اللي ممكن ست تمر بيها في حياتها، والست ممكن تنور بعد الطلاق بس مش عشان اتطلقت، هي كانت منورة من قبل كدة بس يمكن كان عندها حتة اُستنزفت ورجعت نورت تاني، لكن عموما الطلاق مش حاجة كويسة ومش سهلة وتجربة صعبة.