فرصة أخيرة للمعلمين بالحصة .. التنظيم والإدارة يعيد فتح باب التقديم على 4 مواد أساسية بجميع المحافظات

في خبر يهم آلاف المعلمين، أعلن الجهاز المركزي للتنظيم والإدارة عن إعادة فتح باب التقديم للتعاقد على وظائف معلم مساعد بوزارة التربية والتعليم، لمواد اللغة العربية والرياضيات واللغة الإنجليزية والعلوم بمرحلتي الابتدائي والإعدادي في كل محافظات الجمهورية.

مين اللي من حقه يقدم؟

الفرصة دي مخصصة للمعلمين اللي اشتغلوا بالحصة في المدارس الرسمية والرسمية لغات التابعة للوزارة، وده استكمالاً للإعلان اللي نزل على بوابة الوظائف الحكومية في يونيو 2025.

التقديم إزاي؟

إلكتروني فقط من خلال بوابة الوظائف الحكومية: jobs.caoa.gov.eg

بالرقم القومي فقط.. مش محتاج ترفع أي ورق دلوقتي

المستندات هتتسلم لاحقاً وقت دخول الامتحان الإلكتروني

جديد الإعلان ده:

كشف الجهاز أن المسابقة الجديدة فيها تخصصات ومؤهلات إضافية ماكنتش موجودة قبل كده، بناءً على طلب وزارة التربية والتعليم.

وكمان لأول مرة هيكون للمتقدم الحق في اختيار مركز الامتحان الأقرب ليه من المراكز المتاحة، بعد نجاح تجربة المراكز الإقليمية في المسابقات اللي فاتت.

تحذير مهم:

الجهاز ناشد المتقدمين متابعة صفحة الجهاز الرسمية على فيسبوك وبوابة الوظائف الحكومية أول بأول، لمعرفة أي تعليمات أو مواعيد جديدة تخص الامتحانات