حورية فرغلي تكشف أسرارا خطيرة عن علاقاتها بالجن والعالم السفلي .. ماذا قالت؟

فجرت الفنانة حورية فرغلي العددي من المفاجآت عندما حلت ضيفة على برنامج العرافة الذي تقدمه الإعلامية بسمة وهبة، وتحدثت خلال لقائها عن أنها تعرضت لمضايقات كثيرة من العالم السفلي والجن.

 ووجهت بسمة وهبة سؤال للفنانة حورية فرغلي، قائلة: الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك؟

وردت حورية فرغلي قائلة: أولا اللي في البيت عندي ده ملوش علاقة بالجن ولا السحر، أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب.

 وواصلت حورية فرغلي حديثها: اشتريت الشقة  عام 2013، أضافت قائلة : في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة.

تابعت حورية فرغلي: ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.

لترد عليها بسمة وهبة قائلة: مشيوا بسبب تصرفاتك إنتي جننتيهم، ويمكن يكونوا شافوا أنك ملبوسة

وكانت الفنانة حورية فرغلي،  قد ازاحت الستار عن سبب غيابها عن الوسط الفني خلال الفترة الماضية ، مؤكدة أنها لم تبتعد بارداتها ، وان إجراءها  لعمليات جراحية أبعدها عن العمل الفني أكثر من 3 سنوات .

واكدت حورية أنها تعافت تماما، وعلى استعداد للعمل وتابعت قائلة : « عالجت نفسي من جوه بعد اللي شوفته، ولوحد عاوز إني أشتغل معاه في عمل هما عارفين بيتي، لكن لو مش عاوزين خلاص براحتهم» .