كلب الست المذيعه ؟؟

بالضبط من كام سنه حصل نفس الموضوع في الزمن الماضي كان الكلب بتاع الست،أم كلثوم يومها نهش جسد الواد النحيل وقطع البيجامه الكستور بتاع المحله .والحكايه من اولها لأخرها لخصها الفاجومي أحمد فؤاد نجم في قصيدته الشهيره كلب الست ولأن الحال واحد والأحدث متشابهه مش عيب أبدا نسترجع الماضي الأليم من خلال قراءه القصيده التي كانت سببا في حبس عمنا الفاجومي . كل الحكايه أنه تجرأ وشتم كلب الست . الكلب زعل والست زعلت وأكيد الست المذيعه زعلانه هي أيضا لأن كلبها مؤدب وابن أصول وبالتالي لاداعي للسخريه والتنمر من هذا الكلب العتيق واليكم القصيده ..

قد ايه فى القسم نايم؟

استضافه الحجز جمعه

يا بلاش

ادي العزايم

شاف بلاوي

ما تتحكيش

م الديابه المسجونين

قال يا عالم

يا شاويش

يا نيابه

يامسئولين

خلصوه بعد المناهده

جثه من جحر الديابه

هى يمكن ساعه واحده

كان فى مكتب النيابه

قال له مالك يااسماعين

قال لة زي البمب… مالي؟

قال له عضك فوكس فين

قال له سيبنى اروح لحالي

انت شوف سي فوكس يمكن

خد تسمم

غصب عني

الوكيل قال برضة ممكن

والشاويش

قعد يغنى

انت فين والكلب فين

انت قدة يا اسماعين

طب دا كلب الست يا ابني

وانت تطلع ابن مين

بشري لصحاب الديول

واللى له اربع رجول

بشرى لسيادنا البهايم

من جمايس او عجول

اللى صاحبه يا جماعه

له غناوي

فى الاذاعه

راح يدوس فوق الغلابه

والنيابه.. بالبتاعه.

انتهت حكايه كلاب الستات والغريب انها أصبحت عدوي عيال صغيره تتقابل معها وهي تجر كلابا غريبه . سألت مره أحدهم

نوعه أيه قالي يامولانا انت رجل طيب ده ثمنه عشره ألاف جنيه قلت ماشاء الله .

والله المبلغ ده يغير حال ناس كتير قوي

علي الأقل ممكن يعطيهم الفرصه ياكلوا فول وطعميه ومفيش مانع شويه بطاطس وملوخيه . عدوي كلب الست في تزايد والمعضوضون من كلاب الست في تزايد

ولن  يكون المعضوض من كلب المذيعه أخرهم فالضحايا أكيد في تزايد ..

وكل عام وكل الستات وضحاياهم بألف خير